pagkalugi sa negosyo

5 Paraan Para Maiwasan ang Pagkalugi sa Negosyo

ni Homer Nievera, CDE | Kung nagsisimula ka pa lang sa pagnenegosyo o nag-iisip pa lang mag ka-negosyo, naisip mon a bang puwede kang malugi sa pamamagitan ng pagwaglit lamang sa maliliit na bagay? Para di masayang ang pinaghirapang puhunan – na madalas ay hiram lamang – narito ang tatlong paraan para gabayan kang makaiwas sa pagkalugi.

#1 Magkaroon ka ng Masinsin na Business Plan (o Plano sa iyong Negosyo)

Kahit naman kung manghihiram ka ng puhunan sa bangko man o sa isang kaibigan, ang unang tanong sa iyo ay kung ano ang iyong plano, tama? Kaya naman dapat may nakahanda kang plano. At di ito basta plano na ginaya lang sa Internet, kundi, isang pinag-isipang plano na ikinunsulta pa sa ibang tao o grupo na mas may alam sa iba’t-ibang aspeto ng negosyo. Ang isang masinsing business plan ay maraming numero – budget, cost, sales, dami ng tao, dami ng kostumer na kailangan, at marami pang iba.  Sa dulo, dapat alam mo kelan ka kikita at hanggang saan ka lang bago ka malugi.

#2 Pag-setup ng Multiple Streams of Income

Sa dami ng puwede mong dahilan para malugi, maraming ding paraan para kumite sa iisang negosyo. Nung nag-uumpisa pa lang ako sa larangan ng pagnenengosyo, ito tinatawag na “multiple streams of income or revenue” ang akin laging pinag-iisipan. Dahil dito, wala akong dapat na pagsisihan kung di kumite ang isang negosyo ko. Kaya naman isinasama ko ito sa aking Business Plan. Hanapin mo ang lahat ng puwedeng idikit sa iyong negosyo na pagkakakitaan. Parang kung marami kang gripong nakabukas, mas marami kang isasalok na tubig, tama?

#3 Maging Masinop

Nais ko mang sabihing magtipid, pero mas mainam ang salitang masinop. Kasi sa negosyo, kung masyado ka naming matipid, may mga oportunidad na nakukuha sa mga pag invest sa marketing. Basta pag-aralan muna ang mga bagay bago gastusan. Laging isipin kung ano ang balik nito sa iyong negosyo. Kung talagang kailangan mong magbawas ng gastos, gawin mo. Huwag patagalin ang pagdurugo ng negosyo. Putulin agad ang di kailangang gastusin.

#4 Gumamit ng Makabagong Teknolohiya

Paulit-ulit ko mang sasabihin ito – ito talaga ay malaking bahagi ng negosyo ngayon. Kung di ka maabilidad, talo ka. Nariyan ang mraming teknolohiya na siyang tutulong at gagabay sa bawat galaw mo pagnenegosyo. Mula sa mga tulong sa accounting, budgeting, marketing at iba pa. Saliksikin ang mga ito at gamitin. Dahil Malaki ang matitipid mo sa tao at oras.

#5 Gumawa ng Exit Strategy

Aminin natin na di lahat ng negosyo ay nagtatagumpay. Ang importante, alam kung kelan ka susuko para lumaban sa susunod na pagkakataon. Ano ba ang exit strategy? Una, ito’y kasama sa business plan mon a siyang gagabay sa iyo kung kelan ka dapat mag-exit sa negosyo gaya ng: pagbebenta nito, pag-pasok sa joint venture, pagbenta ng shares o stocks at ang pagpasok sa stock exchange o IPO (initial public offering). Mahaba ang ganitong diskusyon. Pero kung nai-plano mo na ang gagawin mo bago ka pa malugi, mas mainam.

Masaya na mahirap ang pagnenegosyo. Pero kung napaghandaan mon a ang lahat (o halos lahat) ng posibilidad para umunlad ito, nasa panig ka ng tagumpay. Ipagdasal mo ang bawat plano na gagawin mo. Di lahat ng bagay sa mundo, ay kaya mo.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

negosyo

5 Paraan Para Mas Palakasin Ang Iyong Negosyo

Homer Nievera, CDE | Hindi lahat ng malaking negosyo ay nagwawagi. Ang totoo, maraming maliliit na negsoyo ang mas mabilis yumabong dahil kaya nilang gumalaw ng mas mabilis kesa sa mga malalaking negosyo. Paano mo magagawang mapanatili ang iyong pagyabong kung marami kang kakumpitensiyang mas malalaking negosyo?

#1 Panatilihin ang Maayos na Brand Design at Values

Ang unang tinitingnan ng isang kostumer ay design ng iyong branding. Makikita yan mula sa kulay at design ng iyong logo. Ito ay dapat may tinatawag na “consistency”o hindi sabog ang konsepto nito. Sa tinatawag na brand identity mo pa lang, malalaman na dapat ng kostumer kung maayos kang mag-isip o maayos na kausap. Tingnan mo din kung umaayon sa iyong brand values ang design mo. Kung nais mong lumabas ang “Passion”halimbawa, siguro, gumamit ng kulay pula na kulay ng puso. Mas mainam na kumonsulta sa isang graphic designer o multimedia artist kung paano aayusin ang iyong brand identity mula sa iyong business card (tarheta).

#2 Unahin ang Website

Sa panahon ngayon, kung wala kang website, di na din maganda ang dating nito sa kostumer. Madalas kasing napagkakamalan na okay na ang Facebook Page. Marami ka kasing di puwedeng gawin sa social media. Una na dito, ay di mo ito pag-aari. Kung maisipan ng Facebook na alisin ang Page mo, tapos ka. Kaya panatilihin ang disenyo ng iyong website ng naaayon sa kabuuang disenyo ng iyong brand. Siyempre, pangalagaan mo ang nilalaman nito.

#3 Palakasin ang Customer Service

Karamihan ng malalaking kumpanya, hirap panatilihin ang maayos na customer service. Pagkakataon mo na ito. Di dahil kaunti ang iyong kostumer ay hihinaan mo na ang customer service. Sa halip, mas paigtingin pa ito. Sa dulo, mas pipiliin ang negosyo mo dahil mas “at-home”sila sa iyo.

#4 Gumamit ng Makabagong Teknolohiya

Maramig negosyo ang takot sa bagong teknolohiya dahil baka di nila ito magamay at humina ang kanilang Sistema. Sa totoo lang, mas mainam para sa maliit na negosyo ang pag-automate ng ilang bagay sa negosyo. Gaya ng paggamit ng chat bot na mas mainam sa Facebook Page dahil di mon a kailangan ng maraming taga-sagot sa mga private messages sa FB Messenger. Ang maganda dito, libre pa ito! Saliksikin ang mga bagong teknolohiya na aayon sa iyong negosyo na mas magiging episyente ang trabaho.

#5 Huwag Matakot Makipagsapalaran

Karamihan ng mga maliliit na negosyo takot sumugal o mag-risk. Ang katotohanan, kung maliit ka at di ka makikipagsapalaran – na kalkulado – di mo mahihigitan ang malalaking negosyo. Gay din yang mga katulad ng Facebook na nakipagbanggaan sa dating higanteng Friendster na kalauna’y natalo nila. Tandaan mo na mas mainam na magsaliksik ng mabuti bago mag-risk. Sa huli, ang pagnenegosyo at lakasan na lang naman yan ng loob. Samahan mo ng taimtim na dasal, may magandang kahihinatnan ka din.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

Why These Blogs Like to Accept ICO and Cryptocurrency Posts

I have always bee fascinated with cryptocurrency and now — ICO — since I was managed a tech company in 2013. I was able to buy a few Bitcoins at that time and yes, the investment paid off.

As I want more people to discover this new way of looking money, when I went into digital media full time, I searched, curated, and wrote a number of posts on the subject. Before I knew it, three of my main business blogs were carrying several articles on cryptocurrency, ICO, trading and networks.

These blogs now serve the cryptocurrency world with content on all sorts of categories and topics: Negosentro.com, WorldExecutivesDigest.com and ExecutiveChronicles.com.

At the onset, I didn’t know if these types of topics will generate interest. So, when the Bitcoin (and Ethereum) hit record high numbers in late 2017, I knew then that content will just present itself on my blogs’ doorsteps. And they did. Most especially when more ICO trends were happening globally.

So why do the above blogs like to accept cryptocurrency and ICO posts? Not just they’re popular these days, but simply because they’re most likely to stay.

Need to know what’s Cryptocurrency, huh? Here’s a video:

Need to know what’s an ICO, huh? Here’s a video:

empleyado

3 Simpleng Bagay na Dapat Gawin Para Magtagal ang Empleyado

Ang mga problemang ng isang CEO o nasa management ng iang lumalaking kumpanya ay madalas nasasawata ng mga simpleng gawain. Ang pagiging masaya o pagiging kuntento ng mga empleyado ay malaking bagay para umayos ang takbo ng negosyo mo.

Narito ang tatlong simpleng bagay na maaari mong gawin kaagad:

Training at Edukasyon

Halos lahat ng empleyado ay nais matuto ng bagong kaalaman na magpapataas ng kanilang estado o karera. Ang pagkakaroon ng mga training ay simpleng paraan na kayang maibigay ng management. Di mo naman kailangang magkaroon ng training manager para magawa ito. Marami namang mga training events na puwede mong ipadala ang mga empleyado. Mula isang buong araw hanggang tatlong araw ang mga ganitong learning events. Hanapin ang makakatulong sa empleyado gaya ng magpapataas ng kaalaman sa kanya o magbibigay ng mas mataas na antas ng kaalaman.

May mga mas malalaking kumpanya naman na nag-sponsor ng masters degree o certification ng isang empleyado. Maaari mo rin itong gawin. Medyo may kamahalan pero siguradong sulit.

Huwag mo lang kalimutang itali ang empleyado sa ilang taon na katumbas ng halaga ng mga training.

Benepisyo

Depende sa laki ng isang kumpanya, gawing maayos ang mga benepisyo para sa kanila. Bukod sa HMO, may mga benepisyong walang katumbas na halaga gaya ng Birthday Leave, 4-day work week, Once a week work from home at iba pa.

Mainam din ang group o individual performance incentives kasi nakatali sa gawain ng mga empleyado.

Puwede mo ding pag-aralan ang profit-sharing.

Papuri

Kung ano pa ang pinakamadaling gawin ng walang katumbas na halaga, ay siya pang madalas na din ginagawa – papuri sa empleyado. Lalo na ung mga boss na mahilig manigaw kesa magbigay ng mga magagandang payo o papuri.

Kung ilalaan mo ang oras mo sa paghanap ng mabuting ginawa ng empleyado kesa sa kabaligtaran, mas magiging positibo at progresibo ang iyong organisasyon.

Siyempre, wag magpupuri kung di naman karapat-dapat. Kailangang may impact ang nagawa ng isang empletado kung pupurihin siya. Pagsumikapan ang larangang ito at tiyak ang paglago ng negosyo mo!

 

AUTHoR: Homerun Nievera

home-business

Paano Palakihin ang Home Business Mo

Kung nais mong magsimulang mamuhunan para sa isang negosyo, ayaw mong biglain ang pag-setup nito. Kung gagawin mo ito sa iyong tahanan sa simula, malaki-laki rin ang iyong matitipid. Mula sa pag-upa ng puwesto o opisina, mga kagamitan, kuryente, wifi, at iba pa.

Ngunit paano kung nakikita mo na itong lumalaki? Paano mo pa lalong pag-iibayuhin ang negosyo mo mo?

Merkado

Kung ikaw ay isang manufacturer ng mga produkto, o kaya’y isang caterer, mainam na sumadya sa mga lokal na pamilihan o merkado. Gaya ng mga tinaguriang Weekend Market o Tiangge. Maraming maliit na negosyo na dito nag-umpisang kumuha ng mas maraming kostumer. Gawin mo ito kung kaya na ng dagdag na puhunan. Para na ding “test-market” ito sa iyo.

Makibenta sa mga ‘Outlet’

Isang klase ng merkado ang mga tinatawag na Outlet Store. Bukod kasi sa mga mall, may mga tindahan na nagbebenta ng mga branded o semi-branded na mga produkto sa mga outlet. Madalas, nasa mall din ang mga ito. Mas mainam nga kung nasa mall ito para mas malaman mo kung kakagatin ng iba pang kostumer ang mga produkto mo.

Online

Isang popular na merkado ang mga online shop. Magsimula ka muna sa social media gaya ng Facebook o Instagram. Mag setup ka ng “Shop” dito at makikita mo ang lawak ng merkado na puwede mo pang pagbentahan ng mga produkto mo.

Magbukas ng Shop o Tindahan

Tiyak na mas malaking puhunan ang pagbukas ng isang stand-alone na shop o tindahan, lalu na sa mall. Gagawin mo lang naman ito kung sadyang handang-handa ka na. Marami ka ng iisipin at aasikasuhin diyan, mula sa mga permit, at dagdag puhunan. Madalas, sa sariling bulsa nanggagaling ang extrang puhunan para dito. Ang payo ko, pumunta ka sa bangko at umutang ng dagdag kapital. Dito mo mahahasa ang sarili sa paghawak ng pera at ang pagpapa-ikot nito. Mas mainam na yan kesa yung naipon mong cash ang gagamitin mo. Tutal, paiikutin mo naman ang uutangin mo at makokompyut mo naman ang perang papasok para mabalanse ang kita at bayarin.

Kung handa ka ng makipagsapalaran mula sa isang home business, tandaan mo lang ang mga simpleng payo na ito. Ano, ready ka na?

AUTHOR: Homer Nievera

business-angel-investor

5 Bagay na Gagawin Bago Lumapit sa Angel Investor

ni Homer Nievera | Para umunlad ang isang negosyo, maraming bagay ang kailangang gawin. Mula sa pagpaplano at paggawa mismo ng mga produkto o serbisyo, lalu na ang aspeto ng kapital.

Kailangan mo ng pera para sa sweldo, produksyon at marketing. Kaya naman maraming negosyante ang lumalapit sa mga Angel Investor para sa kapital.

Narito ang limang bagay na dapat paghandaan:

1. Saliksikin ang investor

Di lahat ng investor ay pare-pareho. Merong namimili ng industriya at estado ng produkto o serbisyo ng isang startup. May naghahanap din ng bilis ng ROI o porsyento ng kita o shares. Hanapin ang perfect match para sa iyo kasamanna ang personalidad at hilig sa partikular na bagay. Tandaan mo na maaring kasama mo sa board ang investor kaya saliksikin ng mabuti.

2. Sumulat ng isang in-depth business plan at executive summary

Lahat ng investor ay naghahanap ng plano. Sigurihing masinop ka aa detalye dahil di ka sigurado sa mga hahanapin nilang numero o mga bagay na naaayon sa kanilang hinahanap. Siguraduhing maganda din ang pagkakasulat ng istorya o presentasyon para madaling masundan ang plano.

3. Mag-praktis para iyong pitch

Sa loob ng tatlong minuto ay dapat masakop mo na ang buod ng iyong pitch o presentasyon. Dahil paglatapos ng tatlong minuto, malalaman nang investor kung gusto niya ito o hindi.

4. Gumawa ng maayos na estimate sa halagang kailangan mo

Ito ang parte ng pagpaplano na dapat alam mo ang detalye. Di dapat huhulaan ang numero dito. Dapat alam mo ang paglalaanan ng perang kailangan.

5. Mag-pokus ka sa iyong passion at gawing exciting ang istorya mo

Alam kaagad ng investor kung nasaan ang puso mo sa pamamagitan pa lang ng iyong presentasyon. Siguraduhing maganda at malinaw ang istorya. Mag-praktis ka sa harap ng mga kaibigan at adviser para maging pulido ang presentasyon mo.

makabagong teknolohiya

4 na Makabagong Teknolohiya Para sa Iyong Negosyo

Homer Nievera, CDE | Sa bilis ng paggalaw sa teknolohiya, ang sinumang negosyo ang unang makagamit ng maayos sa mga ito ay tiyak na uungos kaysa kumpetisyon. Alamin natin kung ano ang apat na teknolohiyang kayang iangat pa ang iyong negosyo sa mga darating na taon:

#1 AI o Artificial Intelligence

Ano nga ba ang teknolohiyang ito na parehong kinagigiliwan at kinatatakutan? Ang AI ay naganap sa paglago ng tinatawag na Big Data kung saan ang malalaki at malalawak na datos ay nailalagak sa malalaking kompyuter o servers na siyang naisasaayos upang magamit sa paggalaw ng mga makina tulad ng robot. Ang AI ay nagagamit ngayon sa industriya ng BPO kung saan halos 80% daw ang bilis at galing nito sa pagsara ng sales kesa tao.

#2 Big Data

Ang sikreto sa Big Data ay ang pagkolekta ng mga datos sa kasalukuyang panahon. Kung mahuli ka ditto, magsisimula ka sa umpisa at matatagalan bago may mga datos kang magamit. Kaya naman mas mainam na gumamit ng mga Data Scientist para maisaayos ang mga malalaking datos na di na kayang ma-analisa ng isang tao lang.

#3 Marketing Automation

Sa paggamit ng Marketing Automation ay ang makabagong paraan sa pag-market. Kung hanggang ngayon ay paisa-isa ang pagpapadala mo ng email, may problema kayo. Lalu na kung ginagawa pa ito ng mga tauhan mo. Dahil sa marketing automation, isang beses ka lang gagawa ng pagsulat o content, at mula sa pagpapadala nito sa social media hanggang sa pagkuha ng mga datos ay isang pindo na lang lahat.

#4 Blockchain

Di lang sa Bitcoin nagagamit ang Blockchain. Ang teknolohiyang ito ay magagamit na sa maraming industriya lalo pa’t matindi ang seguridad na meron ito. Sa paggamit nito sa pinansiyal na paraan, ang Blockchain ay lantad or transparent, kung saan nakalista sa pampublikong ledger ang bawat transaction na di kayang magalaw o madaya ninuman.

Saliksiking mabuti at kaagad ang mga teknolohiyang ito para umungos ang iyong negosyo at manalo sa industriyang kinabibilangan mo.

Bagong-Produkto

7 Bagay na Planuhin Bago Maglabas ng Bagong Produkto

ni Homer Nievera, CDE | Matagal ka man sa pagnenegosyo a magsismula pa lang, ang paglabas ng bagong produkto ay kritikal. Maraming dapat ikonsidera ditto dahil di basta-basta ang pagpaplano para dito.

Narito ang pitong bagay na dapat mong pagplanuhan bago sumalang sa bagong produkto mo:

#1 Alamin ang Pangagailangan

Ang solusyon sa isang problema ay madalas na nagtatagumpay kung maayos mong nasaliksik ang pangangailan ng mga tao.  Dito ka magsimula. Isulat ang mga ito sa isang kuwaderno o sa telepono mo. Balik-balikan ito hanggang sa mabuo ang tunay na pangangailangan.

#2 Tanugin ang mga Kostumer

Sino pa ba ang bibili ng bago mong produkto kundi ang mga kostimer mo, di ba? Para medaling malaman ang mismong kailangan nila, sila mismo ang tanugin. Mag-survey ka muna. Kahit nga sa Facebook ay may “Polls” na magagamit. Puwede din ang Survey Monkey or Google Docs. Gawin mo na muna ito bago ang mga susunod na hakbang.

#3 Tanungin ang mga Designer

Ang mga designer ng mga produkto ay madalas may mga naiisip na solusyon o iba’t-ibang bagay na may kinalaman sa nais mong i-launch na produkto. Tanugin mo sila. Malaki ang maitutulong nila.

#4 Huwag Titigil sa isang Disenyo lang

Kung kuntento ka na sa isang disenyo na malamang ay galing din sa iyo, mali ito. Dapat may pagpipilian ka at ang iyong mga gusting sampulan na kostumer. Paghandaan ang di bababa sa tatlong disenyo na pagpipilian bago mag-desisyon.

#5 Materyales

Ang materyales ay siyang isa sa mga pinakamhalagang aspeto ng isang produkto lalu na sa larangan ng halaga nito at kalidad. Magsaliksik ng husto. Huwag lang aasa sa Internet. Magtanung-tanong sa maraming suplayer.

#6 Kapital

Kung di maayos ang pagpopondo sa bagong produkto, magkakaproblema ka. Kaya sa umpisa pa lang, siguraduhing may panggagalingan ka ng pondo para sa “product development.” Maraming nagpapahiram ng pera bilang investment o loan. Alamin kung ano ang mas mainam. Sa ganag akin, mas ok ang loan. Kahalili ko ang Fundko.com sa mga loan para sa mga startup at sideline. Check mo sila.

#7 Testing

Kung nabuo mo na ang bagong proukto, isalang sa testing. Kung ilang testing ang kailangan, sige lang. Hanggang sa makuntento ka bago ito ilabas sa merkado.

Mabuti na ang handing-handa kesa sa minamadali ang paglabas ng bagong produkto. Tandaan, pangalan mo at ng kumpanya ang nakataya dito.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

palaguin-business

5 Paraan Para Palaguin ang Negosyo Mo Ngayon

Homer Nievera, CDE | Ang sarap makitang lumalaki ang negosyo. Kakaibang pakiramdam ito. Ngunit alam naman natin na di madaling magpalaki ng negosyo nang higit pa sa una mong naiplano.

Kaya ‘tong gawin. Kailangan mo lang magsimula sa limang paraan na ito:

#1 Paglawak ng Merkado

Kung sa akala mo ay madali lang ‘tong gawin, nagkakamali ka. Hindi dahil nasa social media ka ay kaya na nitong palakihin ang iyong negosyo. Maraming paraan pa sa larangan ng advertising at marketing upang mapag-usapan at maikalat ang mensahe ng iyong produkto o serbisyo. Dahil nais mong lumawak ang iyong merkado, gumamit ka ng mga di-tradisyonal na taktika gaya ng pagsali sa mga trade events at networking events. Ang mga bagong kostumer at partner ay makikilala mo dito. Gumamit ka din ng mga social influencers na puwede mong maging boses sa merkado. Higit sa lahat, makipag-partner ka sa pamamagitan ng cross-promotions sa iba’t-ibang brands na may kinalaman sa negosyo mo.

#2 Maayos at Epektibong Branding

Ang pagkakaroon ng matibay na brand sa merkado ay madalas makaligtaan ng mga negosyante. Mahalaga ang aspetong ito dahil ang halaga ng iyong brand ay maaaring maging mas malaki pa sa mismong halaga ng iyong buong negosyo o benta.  Kung wala kang brand manager, kumuha ka ng marketing or branding consultant na makakatulong sa mga estratehiya mo dito. Magsimula sa masinsinang usapan sa logo mo at ano ang mensahe ng iyong brand.

#3 Pangalagaan ang Loyalty ng Kostumer

Sampung beses na halaga ng trabaho ang gugugulin mo para maibalik ang umalis na kostumer. Yan ang halaga ng isang loyal na kostumer. Pangalagaan ang bawat kostumer sa pamamagitan ng maayos na plano para sa costumer service. Ayusin ang pakikipag-usap sa kanila sa lahat ng touchpoints  o sa mga lugar na nakakaugnayan mo sila – mula sa social media hanggang sa after-sales (matapos silang bumili sa ‘yo).

#4 Siguruhin ang Cash Flow

Kung di maayos ang cash flow mo, wala kang pondo para palakihin ang negosyo mo. Bantayan mo ang bagay na ito at makialam sa bawat yugto ng pinasyal na aspeto ng negosyo – mula sa pag-badyet, sales at koleksyon.

#5 Level-up sa Serbisyo

Huwag kang maging kampante sa kung ano’ng lebel ng serbisyo meron ka ngayon. Mahalaga sa paglago ng negosyo ang pag-levelup ng serbisyo dahil nararamdaman ng kostumer na nagsisipag ka at di nagpapakampante. Kumakalat ang ganitong usap-usapan kaya’t mas lumalaki ang merkado mo. Simple.

Ang paglago ng negosyo ay masarap na mahirap na gawain. Pero saan ka pa ba pupunta kundi pataas, di ba?

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage. Si Homer ay co-author at co-admin sa HeSaidSheSaidPH.com at Facebook Page na He Said She Said Philippines.

Digital-Negosyante

6 na Bagay na Natutunan Ko Bilang Digital na Negosyante

Homer Nievera, CDE | Sa ika-anim na anibersaryo ng Pilipino Mirror, na may temang “Matatag na Tumugon sa Hamon sa Ika-6 Taon,” ang pitak na ito ay nagbibigay espasyo para sa pagtugon ng diyaryong ito sa hamon ng panahon ng teknolohiya.

Marahil may pangarap kang magnegosyo sa harap ng beach o habang nasa ibang bansa at nagka-kape sa Paris. Sa panahon ng digital at teknolohiya, maaari naman itong gawin kung paghahandaan mo ang maraming aspeto ng iyong negosyo.

Kasalukuyan koi tong nagagawa ngunit sadyang di nagging madali ang pag-shift mula sa tradisyunal na setup patungo dito. Ibabahagi ko sa inyo ang ilan sa aking mga natutunan:

#1 Ayusin ang Istruktura ng Negosyo

Sa una pa lang, kailangang pag-isipan ang setup na gagawin mo. Di madaling magshift kung sanay ka at ilang empleyado o aspeto ng negosyo sa isang tele-commuting na setup. Isaliksik ang mga gagamiting equipment at wi-fi o data source para dito. Dapat, may maayos din kayong iskedyul ng Skype miting o iba pang paraan. Ako, alam ng mga tao ko na dapat ay nakalogin sila sa FB messenger anumang oras dahil doon ako lumalagi dahil sa mga negosyo namin na kasama ang FB.

#2 Chill nga ba?

Pantasya lang naman talaga ang pagnenegosyo sa harap ng beach. Ibig sabihin, di laging chill lang o relax lang ang kapaligoran sa pagnenegosyo, digital man ito o hindi. Pero kung ikukumpara ang ganitong pagnenegosyo sa Asya man o sa Europa o Amerika, mas chill naman sa atin. Kaya tingnan mo din kung sino ang kaugnayan mong kostumer. I-ayon ang schedule mo sa kanila.

#3 Komunikasyon

Maraming aspeto ang komunikasyon lalu na kung digital-mode ka. Ang smartphone mo ang isa sa pinaka-mahalagang gamit na mo para sa komunikasyon. Ako kasi, email ang madalas na gamit ng mga kliyente ko abroad. Kaya may oras akong tumugon kahit na iba-iba ang oras ng trabaho nila. At dahil nasa Pilipas ako, malaking bagay ang maagap na pagtugon sa pangangailangan ng mga empleyado ko. May mga ilang regular na empleyado ako na nasa ibang probinsya. Parang virtual assitants pero tunay na empleyado. Nakakatipid sila sa oras at pera at mas inspirado silang magtrabaho basta maayos ang komunikasyon.

#4 Bantayan ang Benta at Cashflow

Ito ang madalas na aspeto ang nakakaligtaan ng mga digital ne gosyante. Ayusin ang sistema ukol ditto. Dapat may regular kang reporting at koordinasyon sa mga taong nagpapasok ng pera at finance.

#5 Integridad

Hindi matatawaran ang integridad sa trabaho maging digital man ito o hindi. Dahil nga di kayo pisikal na nagkikita, parang LDR (long distance relationship) ang peg niyo. Kaya panatilihin ang ganitong kultura sa lahat ng bagay. Makakatulong ang mga CRM tools kung saan madaling ma-track ang progreso at komunikasyon sa bawat isa at sa bawat proyekto. Ang tip ko lang ay gawing results-oriented ang kultura niyo para kung per-project ang inyong reporting, madaling kunin ang updates.

#6 Ugnayan

Kada buwan, may birthday celebration sa pisikal na opisina naming – andun ka man o wala. Pero ako, isang beses pa lang akong lumiban dahil sa isang emergency. Importante din ang mga bonding events gaya ng outing at Christmas Party kung digital negosyante ka. Sa dulo, tao pa rin ang kaugnayan mo kaya’t maging bukas sa komunikasyon at pakikipag-ugnayan.

 

Page 1 of 712345...Last »